Պարապմունք # 12

Լուծում ենք  Հոկտեմբերյան ֆլեշմոբի առաջադրանքները:

Առաջադրանք 1.

Տիգրանը  Գոռից 4 մատիտ ավելի ունի: Նա քանի՞ մատիտ պետք է տա Գոռին, որպեսզի տղաները հավասար քանակությամբ մատիտ ունենան:

Լուծում:

Առաջադրանքը   կարելի  է դիտարկել  որպես վերջից  լուծվող խնդիր:

Ենթադրենք  Տիգրանը և Գոռը  ունեն հավասար  թվով մատիտներ,

եթե  Տիգրանը  4 մատիտ  նվիրի  Գոռին, ապա պարզ  է, որ   Տիգրանը  8 մատիտով  պակաս կունենա  քան Գոռը:Այսինքն, ինչքան  տալիս  է, երկու այդքան իր մոտ պակասում  է: Նույնը այտեղ՝   պետք է 4: 2=2 այսինքն՝  Տիգրանը  երկու մատիտ պետք է տա Գոռին::

Առաջադրանք 2.

 Առանց մնացորդի  և՛ 2-ի, և՛ 3-ի բաժանվող ամենափոքր թվին գումարեցին առանց մնացորդի և՛ 2-ի, և՛ 3-ի, և՛ 4-ի բաժանվող ամենափոքր թիվը: Ի՞նչ թիվ ստացվեց: 

Լուծում:

Թիվը, որ առանց մնացորդի բաժանվի 2-ի, 3-ի, կլինի

6, 12, 18, 24, 30...

Ամենափոքրը՝ 6-ն է:

Թիվը, որ առանց մնացորդի բաժանվի 2-ի, 3-ի,  4-ի, կլինի

12, 24, 36, 48...

Ամենափոքրը՝ 12-ն է:

Հետևաբար գումարը կլինի՝

6+12=18

Առաջադրանք 3.

Պայուսակը 5 գրպան ունի: Գրպաններում կոնֆետներ դրեցին այնպես, որ դատարկ գրպան չլինի, հինգից ավելի կոնֆետ պարունակող գրպան չլինի, և բոլոր գրպաններում կոնֆետների քանակը տարբեր լինի: Քանի՞ կոնֆետ դրեցին գրպաններում:

Լուծում:

Քանի որ պայուսակն  ունի հինգ գրպան, յուրաքանչյուրում տարբեր  քանակի կոնֆետներ, ենթադրենք գրպաններում կան՝

1 կենֆետ

2 կենֆետ

3 կենֆետ

4 կենֆետ

5կենֆետ

Ստուգենք խնդրի պայմանները՝

դատարկ գրպան չկա,

 հինգից  ավելի կոնֆետ պարունակող գրպան չկա,

բոլոր գրպաններում կոնֆետների քանակը տարբեր են:

Որոնելի թվերն են՝ 1, 2, 3, 4, 5:

Առաջադրանք 4.

21, 19, 30, 25, 3, 12, 9, 15, 6, 27 թվերից ընտրեք երեք թիվ, որոնց գումարը 50 լինի:

Լուծում:

Որոնելի թվերն են՝

25, 19, 6:

Առաջադրանք  5.

 Տուփում 6 գնդակ կա՝ սև, սպիտակ և կարմիր: Կարմիրները ավելի շատ են, քան սպիտակները, իսկ սպիտակները ավելի շատ են, քան սևերը: Յուրաքանչյուր գույնից քանի՞ գնդակ կա տուփում:

Լուծում

Նախ  գտնենք երեք իրարից տարբեր

 թվեր, որոնց գումարը  լինի  6, այդ թվերն  են՝ 1, 2, 3:

Հիմա  ստուգենք խնդրի պայմանները՝

Ամենաշատ գնդակները  կարմիրներն են,  հետևաբար 3 հատ է, ամենաքիչը՝  սևն է , հետևաբար՝ 1:

Կստանանք՝

սև-1

սպիտակ- 2

կարմիր- 3